5. Dezember - Nor noch 19 Dag bes Hellige Ovend

  • Zinter Klo
    von Richard Griesbach
    1928-2000


    Wann et ens widder Winter gitt,
    dat selvs der Mond der Mantel kritt,
    wenn em Gebünn et kraach vum Froß,
    freuen ich mich op Zinter Klos.


    Dann gläuven ich an dä lange Baat
    un an die Reis, die hä gemaht,
    un dat hä hät et rächte Moß
    för jede Teller, jede Blos.


    Dann stellen ich höösch mich en de Eck
    un dun do op si Glöckche waade.
    Un wä do meint, ich wör ene Geck,
    dä loß ich räuhig wigger schwaade.


    Un denk' bei meer su för mich hin:
    künnt alles noch ens richtig sin,
    su en der Odenung vun fröher -
    der hellige Mann wör uns jet nöher.


    aus: Kölsche Weihnacht, Köln:Tonger-Musik GmbH, 1992, S. 40


    Quelle: koelsch-akademie.de

  • Nicolaus


    Wenn es mal wieder Winter gibt,
    das selbst der Mont einem Mantel bekommt,
    wenn es im Gebälk vor Frost kracht
    freue ich mich auf den Weihnachtsmann.


    Dann glaube ich an den langen Bart
    und an die Reise die er gemacht,
    und das er das rechte Maß hat
    für jeden Teller, jede Tüte.


    Dann stelle ich mich leise in die Ecke
    und warte da auf sein Glöckchen.
    Und wer da meint, ich wäre verrückt,
    den lass ich ruhig weiter reden.


    Und denke bei mir so vor mich hin:
    könnte alles noch mal richtig sein,
    so in der Ordnung von früher -
    der heilige Mann war uns was näher.