Angs
von Philipp Jansen
1908 - 1993
"Fridde de Minsche op Ähde!"
hööt mer der Engelsjesang;
"Wann weed der Fridden uns wääde?"
froge de Minsche su bang.
Hinger der Krepp opjereech
stonn doch bloß Krütz un Jereech
un schwatze Schatte verdeech
jeglije Zotrett däm Leech.
Kreppche, em Düstere verborge,
wann zeigsde dich endlich der Welt?
Kreppche, meer hoffen enn Sorje,
dat bahl di Leech se erhellt!
aus: Phlipp Jansen:Zwei zo fuffzehn,
Köln: Greven Verlag, 1980, S. 19
Quelle: koelsch-akademie.de