Helligemannsovend
von Wilhelm Hossdorf
1890-1962
Wer tupp am Finsterlädche
un boldert op der Stroß?
Rick do om Schimmelpädche
der hell'ge Nikelos?
Luuscht, do geiht et : Tapp, tapp, tapp!
Zinter Kos eß op der Trapp!
Loht mer e Leedche singe,
un wann om Gang et schellt,
sall et Lantänche schinge,
dat Nikelos nit fällt!
Och, et geiht ald: Tapp, tapp, tapp!
Zinter Klos eß op der Trapp!
Dä HellÕge, dun ich denke,
liet hück uns nit em Reß,
dä weed uns Puute schenke
vill Äppel un vill Nöß !
Mamm, wo stich dann unse Papp?
Zinter Klos es op der Trapp!
Wer immer schön dät bedde,
un nett un adig wor,
däm brängk hä, - dot ehr wedde? Ð
Noch ens jet op et Johr!
Wann mer rofe: Tapp, tapp, tapp,
Zinter Klos es op der Trapp!
aus: Wilhelm Hossdorf: Kölsche Kinder,
Köln: Balduin Pick Verlag, o.J., S. 82
Quelle: koelsch-akademie.de