Hellije Naach
von Heribert Klar
1933 - 1992
Wat si'mer stolz!
Am Hell'je Ovend do weed nit jeschosse.
Dä Ami bieß eesch zwei Dag späder en et Jras.
Och dä Vietkong!
Die Rau weed en der janze Welt jenosse,
sujar en Kölle säht mer Prost! un hiv et Jlas.
Un noh dä Dag?
Mer weiß et un well doch nix dovun wesse.
Su eß et, noh dä Feerdäg kütt dä ale Trott.
Zwei Dag em Johr
eß mer sich jot un kann sich jar nit messe,
dreihundertsechzig Dag lang schleit mer sich kapott.
aus: Hans Brodesser: Kölle 66,
Köln: Greven Verlag, 1966, S. 21
Quelle: koelsch-akademie.de