Dräum vör Chreßdag
von Richard Griesbach
1928-2000
Zwesche Heidekruck un Leechterbaum-
nit nor Kinder dräume do su mänche Draum.
Kinder dräume kleine Sache,
wie se Kinderhätze glöcklich maache.
Große dräume en de Kinderzick zeröck,
dräume, dat et endlich kütt, et große Glöck:
En "Sechs" em Lotto, oder och âne Minsch,
vun däm mer lang sich ald en Antwort wünsch.
Wünsch Fredde sich, en Frau wünsch sich e Kind,
ov dat dä Här em Huus nit grad su blind
des ovends nor noch en der Weetschaff steiht,
aan ehr vorrüvver zo âner andre geiht.
Se dräume all un hoffe, wünsche, beide
Doch ach wie flöck eß grad die Zick verledde,
wo zwesche Heidekruck un Leechterbaum
nit nor de Kinder dräume mänche Draum.
aus: Jochen Arlt, Richard Griesbach: Kölner Weihnachtsbuch,
Köln: Rhein-Eifel-Mosel Verlag, 1989, S. 10
Quelle: koelsch-akademie.de